有備無患！防災包準備教學🎒

上星期，東北地區發生咗震度去到6級嘅地震，東京都心亦錄得4級左右嘅震動。每次有地震，相信大家都會第一時間諗：「係時候執下個防災包啦！」但……到底應該點執？

今日就等我哋手把手咁教你啦！

根據東京都防災手冊，我哋要準備嘅嘢有 2 set：

Set 1：日常儲備

平日應該一直Keep喺屋企嘅嘢，用黎應對大型災害後斷水斷電，但仍可以留喺屋企等待救援嘅狀況。一般以維持一個星期嘅生活為目標，以四人家庭為例，我哋需要準備嘅嘢如下：

食品	主食：無洗米 5公斤、經過高壓加熱處理嘅飯 6包、乾麵 1 pack、即食麵 3個主菜：不同種類的罐頭各6罐高壓加熱處理食品 9 pack 生果罐頭 1罐野菜汁 9支 500毫升飲料 6支芝士、魚片之類各1 pack 零食糖果 3包營養補充食品 3盒健康飲料沖劑 1包各種調味料
生活用品	大型膠袋、垃圾袋各30個膠袋急救箱保鮮紙紙巾 5 pack，每pack 3包廁紙 12卷消毒濕紙巾 1盒（約100張）即棄隱形眼睛（如有需要） 1個月份量暖包 10個點火棒 1支手提電話後備電池（尿袋） 3個膠手套 1盒
女性用品	生理用品
如家中有幼兒	小包奶粉 20包幼兒食品 1星期份量 BB用濕紙巾 1 pack 尿片約70枚
如家中有老人	流質食物 1星期份量個人藥品 1個月份量助聽器電池 (如有需要) 6個假牙清潔劑（如有需要）30錠
過來人推介	水（一人每日3公升） GAS爐（便攜式，打邊爐用嗰隻） GAS 6支常備成藥（平日大家會帶去旅行嗰啲）簡易toilet（一人每日5次嘅份量）免水洗嘅洗髮精電筒 2支電芯打火機蠟燭可以手動充電嘅收音機

Set 2：防災背包

走難用。為咗屋企倒塌時可以一拎起就行，平日就應該PACK好晒入背囊，然後放喺玄關或者睡房。我哋嘅目標係行到避難所，而既然災情係嚴重到你間屋都塌埋，相信出面條路都唔會好好行，所以最緊要輕便。以下列出所需嘅物品種類：

根據過來人所講，除咗以上嘅防災物資，心態亦同樣重要，平日就打點好，唔好等到出事先黎諗點算。如果touch wood真係有大地震，亦要時刻保持自己嘅求生意志，唔好輕言放棄。

日本香港人協會編輯部