繼上次農曆7月，今次襯萬聖節再同大家分享日本民間傳說ー天狗。
依家講起天狗，一般都覺得天狗係紅面鼻長，手持團扇、身材高大、背後有雙翼，腰間有武士刀嘅。但其實日本最早記載天狗嘅係《日本書紀》，據載有個僧人聽到天空到傳來奇怪嘅聲，跟住有啲嘢好似流星咁快咁從頭頂飛過，書入面第一次用「天狗」嚟描述僧人所見，個陣啲人就FF天狗似隻老鷹咁。而平安時代的《今昔物語集》就話天狗會幻化成佛、僧、聖人咁樣，或者係附身係人類身上。
咁幾時開始變成咁樣嘅？聽聞依家呢個形象主要係嚟至室町時代蒐集民間傳說嘅《御伽草子》。入面話著名武將源義經（牛若丸）嘅阿爸源義朝係平治之亂戰敗，比平氏家族捉左，於是係就寄養左係京都嘅鞍馬寺。源義經係寺中修行期間，決心要為阿爸報仇，就每天入山練劍。點知練練下比佢撞到傳說中的天狗，就跟天狗學劍術，最後又真係比佢打贏平氏喎。鞍馬天狗就即刻出名左，由本身就天狗係怨靈，改口話天狗係山神。
不過關於天狗嘅傳說好多，仲有話鼻高啲嘅係「鼻高天狗」，尖啲嘅係「烏天狗」又或者係「木葉天狗」」。不過邊個傳說嘅天狗都好打得，冇咩事我都係收返埋自己先（我驚㗎嘛）。
講到尾點解講天狗？除咗萬聖節，仲因為小編最近煲緊《準教授·高槻彰良的推測》呢套劇。無論冬天夏天，情人節鬼節，J仔都是必須的。雖然近排疫情緩和咗，但今年萬聖節大家都要記得做好消毒啊。
各位，萬聖節快樂呀！
（最後私心放第一季主題曲，大家記得訂第二季主題曲㖭呀 ）