相信各位真（偽）文青，即使冇睇過村上春樹著作，都一定有聽過其大名。身邊亦有唔少香港朋友為咗睇村上春樹嘅小說而開始學日文！
村上春樹嘅母校早稻田大學早喺2019年6月宣佈，會將校內收藏咗大量村上春樹作品嘅圖書館，4號樓國際文學館，改建成「村上春樹圖書館」。由日本建築大師隈研吾親自操刀，順帶一提2020東京奧運主場館都喺由隈研吾設計㗎！
全球書迷引頸期待嘅村上春樹圖書館終於喺10月1日正式開放。圖書館除咗收藏咗《挪威的森林》初版手稿、書評，其他作品嘅翻譯版本（合共超過50種語言）仲有佢本人所寄贈兩萬幾張黑膠唱片。而圖書館裡面除咗有閱讀座位、資料室、視廳室同研討空間外，仲有由早稻田學生負責經營嘅咖啡店「橙子貓」，可以一邊睇書一邊嘆住咖啡，諗起都嘆呀！
各位書迷，想去圖書館感受閱讀氛圍？溫馨提示：除咗地下1樓咖啡店之外，其他區域需要網上預約入場。暫時只接受居住喺東京、神奈川、埼玉、千葉地區嘅市民預約。另外，注意中午12點至13點呢段時間喺優先俾早稻田學生使用，要去朝聖嘅各位記得留意啦！
資料來源: