最近日本頻頻發生地震，相信居住喺日本時間比較短既朋友，當發生地震嘅時候，都未必知道正確嘅自救方法。日本國內唔單止有活火山，地理位置又位於地震帶上，仲有地震引發嘅海嘯、夏天嘅颱風等等，天然災害真喺唔少㗎。今次為大家介紹幾間位於東京嘅防災館，防災館有模擬災難嘅情況，教導遇難時自救方法，唔單止內容實用，而且通過體驗防災，可以認識到更多防災嘅知識。
①そなエリア東京
體驗內容：地震、海嘯
SONA AREA東京喺位於東京臨海防災公園內嘅防災體驗學習設施。呢度嘅亮點喺可以進行防災體驗模擬情境吓『東京直下型地震72小時』。設施內重現咗地震損壞嘅街道，必須通過並且前往安全避難場所。體驗時會出借平板電腦，需要回答其中問題，從而學習有關防災嘅知識。
地址：東京都江東区有明3丁目8-35 防災体験学習施設そなエリア東京
②池袋防災館
體驗內容：地震、火災、滅火、救援、急救、VR防災體驗
可以喺池袋防災館體驗311東日本大地震等五種地震設施。通過體驗，可以感受到災難發生時嘅恐懼同需要採取嘅行動。
地址：東京都豊島区西池袋2丁目37-8
③立川防災館
體驗內容：防災迷你劇場、地震、煙霧、滅火、救援、急救、VR防災
立川防災館設有7種體驗區（包括防災迷你劇場、地震、煙霧、滅火、緊急救援、VR防災體驗）。另外，仲設有兒童防災體驗廣場、日常生活事故嘅預防專區等等，家長同小朋友可以一齊學習防災知識。
地址：東京都立川市泉町1156-1
④本所防災館
體驗內容：地震、洪水、風暴、火災、滅火、急救、VR防災體驗
本所防災館喺可以體驗同實物一模一樣嘅地震設施。 喺體驗地震恐懼嘅同時，汲取知識學以致用。 而喺城市洪水體驗區，可以觀看有關局部地區性暴雨同海嘯嘅視頻。 而模擬情境地下門同汽車被淹沒嘅體驗區亦非常受歡迎。需要喺實際被淹沒嘅地下門同汽車中打開水壓門。
地址：東京都墨田区横川4-6-6
➄しながわ防災体験館
體驗內容：疏散指導、滅火、急救
品川防災體驗館喺 2016 年根據東日本大地震而進行翻新嘅設施。呢度唔單止對應日語，仲有英語、中文、韓語等多種語言。仲有模擬特殊人員嘅疏散體驗。特殊人員需要協助並引導老人家、殘疾人士疏散。
地址：東京都品川区広町2丁目1-36
⑥北区防災センター
體驗內容：地震、火災、滅火、急救
北區防災中心喺 1984 年 11 月成立。喺地震體驗區，唔單止可以體驗關東大地震，阪神淡路大地震、311東日本大地震、熊本地震等等。另外，喺煙霧體驗區，會有火災煙霧模擬嘅空間。 可以學習點樣喺發生火災時安全撤離。
地址：東京都北区西ケ原2-1-6
⑦気象庁 気象科学館
體驗內容：海嘯、火山、地震
日本氣象廳氣象科學館喺 2020 年 4 月完成翻新。呢度唔單止有體驗劇場，仲可以體驗天氣報告。
地址：東京都港区虎ノ門3丁目6-9
防災嘅知識再多，唔實際運用係冇意義嘅。 所以建議大家親身去防災體驗館感受吓，當不幸發生災難嘅時候都可以保持鎮定，快速自救。