仲有唔夠一個月就到年尾，相信唔少香港人都會忙住約朋友聚會，喺香港嘅大家通常參加大型倒數活動或者HEA喺屋企迎接新一年，由於日本只會慶祝西曆新年，所以臨近歲晚，唔少日本人都會忙住辦年貨準備新年，唔知大家知唔知其實日本都有得行年宵市場嘅呢?
日本年宵稱為歳の市（Toshinoichi ），呢個傳統習俗早喺江戶時代已經流行，每年十二月中下旬全國各地都會舉辦年宵。古代嘅年宵多設於神社、寺院等範圍，今時今日，人口比較密集嘅街道、公園等都會設置年宵。
其中最著名喺東京淺草舉辦嘅「淺草寺歳之市」，除左會售賣各種賀年物品例如門松、注連繩、鏡餅等新年裝飾外，仲有海鮮乾貨、羽子板等等。而唔少遊客都會專程黎購買「羽子板」，所以又被稱為羽子板市。羽子板喺日本新年會玩嘅遊戲「板羽球」（Hane tsuki）用嘅球拍。由於日文羽毛嘅發音同消除災厄一樣，拍打羽毛毽子被認為透過能夠化解自身嘅厄運，所以日本人將羽子板視為新年期間消災解厄、保護女性嘅吉祥物。而毽子嘅球體，喺採用無患子樹嘅果實「無患子」，意味住小孩無患，冇災禍。
而羽子板分為兩種，一種喺冇裝飾、簡簡單單嘅球板，另一種就喺為左祈求女孩順利成長嘅吉祥物。後者亦都成日會被店家作為生意興隆嘅吉祥物，稱為「押繪羽子板」。歌舞伎者舞台形象嘅羽子板非常受歡迎。最平大概一千日圓左右，最貴可以賣到六萬日圓。
另外年宵仲會以特惠價格出售衣物、鞋子同日用雜貨，日本人喺除夕都有大掃除既習俗，扔掉殘舊嘅物品，然後換新嘅家居用品。迎接新一年！
以下喺幾個位於東京嘅年宵市場，身在日本嘅各位，不妨去行吓年宵，就算唔辦年貨都可以感受吓日本過年嘅氣氛。
淺草寺・歲之市（羽子板市）
日期：2021年12月17日～19日
地址：東京都台東区浅草2-3-1
高幡不動尊金剛寺・歲之市
日期：2021年12月28日
地址：〒191-0031東京都日野市高幡733
藥研堀不動尊・歲之市
日期：2021年12月26日～28日
地址：薬研堀不動院付近の東日本橋二丁目町会路上