日本民間有所謂「七福神」,七福神喺日本信仰中被認為會帶黎福氣同財運,喺一種融合咗神道、佛教、道教、印度教,結合印度、中國同日本神明嘅庶民信仰。七福神嘅名字分別叫做:惠比壽、大黑天、辯才天、福祿壽、布袋尊、壽老人同毘沙門天。七福神除左惠比壽喺源自日本之外,其他神明都喺由其他地方黎嘅。
日本人習慣喺新春參拜七福神,代表能夠獲得全年所需要嘅福氣,而且日本民間相信, 1月2日嘅夜晚將七福神乘坐寶船嘅圖繪放喺枕頭或者床鋪下,據說喺可以帶黎好運。仲有聽講喺新年第一個星期去參拜神社可以令你一整年都好運連連,就喺大家所講嘅七福神巡禮「七福神巡り」。今次為大家介紹七福神同位於東京嘅七福神參拜路線,仲可以一邊收集獨特嘅 「 御朱印 」 同認識日本神社同寺院。
七福神
惠比壽
![恵比寿様のイラスト](https://i0.wp.com/3.bp.blogspot.com/-UOGS_4lzQCU/U5l4p6AtkhI/AAAAAAAAhQI/SZaENkEt08w/s400/ebisusama.png?w=640&ssl=1)
- 國籍:日本
- 代表利益:生意興隆、大漁豐作
- 特色:左手拿鯛魚、右手拿釣竿嘅商業之神
商業之神,喺唯一黎自日本本土嘅神明。傳說惠比壽神教人用魚同農作物進行交易,因而被日本人尊稱為買賣興隆嘅守護神。
大黑天
![大黒天のイラスト(七福神)](https://i0.wp.com/4.bp.blogspot.com/-u19ZkASsJlE/VJF-3dG7HBI/AAAAAAAApv4/Fvi216F0sqM/s400/sichifukujin_daikokuten.png?w=640&ssl=1)
- 國籍:印度
- 代表利益:財運、福德、開運
- 特色:背著大布袋、手拿小鎚、頭上綁頭巾
開運招福之神,據說,原來喺印度嘅魔訶迦羅,被祭祀喺寺廟嘅廚房。傳到日本後,被封為比睿山嘅守護神。仲被祭祀喺各寺院嘅食堂,普通百姓就認為喺管廚房同食堂嘅福神。後黎同日本緣結之神「大國主命」結合,成為福神。據說大黑天曾經一度成佛,為咗賜予人們福德又再次降臨人間。
辯才天
![弁財天のイラスト(七福神)](https://i0.wp.com/1.bp.blogspot.com/-0jUoQOwnfz0/VJF-2vblDuI/AAAAAAAApwg/qEx8JWfbXGM/s400/sichifukujin_benzaiten.png?w=640&ssl=1)
- 國籍:印度
- 代表利益:音樂藝術才能、學問、智慧、財運、名譽
- 特色:女神、手拿琵琶
福德自在神,是七福神中唯一嘅女神。傳統中精通音樂,喺善於雄辯嘅天女,原本喺古代印度神話中嘅水神,傳入日本後就成為辯才天,總會帶住琵琶。
福祿壽
![福禄寿のイラスト(七福神)](https://i0.wp.com/2.bp.blogspot.com/-xHuxjg3_aL0/VJF-4RU77FI/AAAAAAAApwA/MUKZk0Zcztk/s400/sichifukujin_fukurokuju.png?w=640&ssl=1)
- 國籍:中國
- 代表利益:健康長壽、財產、子孫繁榮
- 特色:頭長、長鬚、大耳朵
福祿壽喺道教嘅神,南極星嘅化身。日本傳說中,喺幸福、高祿、長壽三德之神,喺由中國傳入日本。
布袋尊
![布袋のイラスト(七福神)](https://i0.wp.com/2.bp.blogspot.com/-W7rzyHovNz8/VJF-5QGu9QI/AAAAAAAApwE/JtVkV5DHK_c/s400/sichifukujin_hotei.png?w=640&ssl=1)
- 國籍:中國
- 代表利益:招福、夫婦圓滿、求子
- 特色:笑臉、圓滾滾身軀、肩上有布袋、手持葵扇
傳說喺彌勒菩薩。自從禪宗傳到日本,人們普遍認為即將出現「彌勒之世」,平民百姓都可以脫離苦難,因此就有布袋和尚,四處化緣,助人為樂。傳說中,布袋尊將建築、佛像、書畫、茶等帶到日本。
壽老人
![寿老人のイラスト(七福神)](https://i0.wp.com/2.bp.blogspot.com/-g_ub2-_9PJw/VJF-6RyFESI/AAAAAAAApwU/jXEtzVfUOgM/s400/sichifukujin_juroujin.png?w=640&ssl=1)
- 國籍:中國
- 代表利益:長壽延命、治百病、富貴繁榮、子孫繁榮
- 特色:頭上有頭巾、手持長杖及團扇或桃子
不老長壽神,相信喺源自中國道教,喺室町時代傳入日本,日本人希望長壽、子孫滿堂、家庭福壽吉運時,都會供奉壽老人。
毘沙門天
![毘沙門天のイラスト(七福神)](https://i0.wp.com/1.bp.blogspot.com/-bsatQuEe3hw/VJF-29uAO0I/AAAAAAAApv0/q47oK6zwtBI/s400/sichifukujin_bisyamonten.png?w=640&ssl=1)
- 國籍:印度
- 代表利益:財運、勝運、心願達成
- 特色:身穿甲冑、手持長茅和寶塔
無量智慧神,自古被稱為「武神」,受到上杉謙信等戰國武將嘅崇敬。傳說平安時代菅原道真,曾經祈求毘沙門天要求得到智慧,繼而擁有取之不盡嘅聰明才智。別名「多聞天王」,印度四天王之一。
七福神巡禮
日本全國各地都有七福神巡禮,但多數集中喺關東同關西,而且交通方便,可以徒步或者搭乘交通工具前往,以下為大家介紹東京23區較著名嘅參拜路線:
① 谷中七福神
- 舉辦期間:1月1日~1月10日,每日朱印受印時間依各神社為主
- 最近車站: JR田端站
- 所需時間:2小時~
田端站 → 東覺寺 → 青雲寺 → 修性院 → 天王寺 → 長安寺 → 護國院→ 不忍池弁天堂 → 上野
② 隅田川七福神
- 舉辦期間:1月1日~1月7日,每日朱印受印時間依各神社為主
- 最近車站: 東武伊勢崎線堀切站
- 所需時間:1小時25分鐘~
堀切站 → 多聞寺 → 白髭神社 → 向島百花園 → 長命寺 → 弘福寺 →
三囲神社 → とうきょうスカイツリー站
③ 淺草七福神
- 舉辦期間:終年,每日朱印受印時間依各神社為主
- 最近車站:東京メトロ田原町站、都營地下鐵淺草站
- 所需時間:2小時~
田原町站 → 矢先稲荷神社 → 鷲神社 → 吉原神社 → 橋場不動尊 → 石浜神社 →
今戸神社 → 待乳山聖天 → 浅草神社 → 浅草寺 → 浅草站
④ 日本橋七福神
- 舉辦期間:1月1日~1月7日,每日朱印受印時間依各神社為主
- 最近車站:東京メトロ小伝馬町站/人形町站
- 所需時間:50分鐘~
小伝馬町站 → 椙森神社 → 笠間稲荷神社 → 末廣神社 → 松島神社 →
水天宮 → 茶の木神社 → 小網神社 → 人形町站
⑤ 柴又七福神
- 舉辦期間:1月1日~1月7日,每日朱印受印時間依各神社為主
- 最近車站:京成本線京成高砂站/京成電鉄金町線柴又站
- 所需時間:1小時20分鐘~
京成高砂站 → 勧蔵寺 → 医王寺 → 宝生院 → 万福寺 → 良寛寺 → 真勝院 → 題経寺 → 柴又站
想喺新一年祈求好運,或者想好好拜訪一吓日本神社、寺院,喺新年期間不妨黎一趟七福神之旅。