大阪秋日BBQ聚會 活動報告

日本香港人協會喺2024年10月5日位於心齋橋既Afu順利舉行『大阪秋日BBQ聚會​​』，係本會首次喺大阪舉行嘅BBQ大會。

今次活動共有11位參加者，除咗住係大阪同京都嘅香港人外，亦有好鍾意香港文化嘅日本人參加。

雖然活動當日天氣比較炎熱，但都不阻大家嘅熱情，一邊「圍爐」，一邊食嘢，互相分享喺日本嘅學生、打工甚至創業等生活見聞同經驗。活動完結時更有不少參加者交換聯絡或者各自進行下場，為今次嘅活動劃上圓滿句號。