日本香港人協會喺2024年12月21日同各位會員提早慶早聖誕！今次我地一反傳統，揀咗係日式K房舉行！今次活動共有13位參加者，大家除左閒談，仲可以唱K同食野！
係進入唱K環節之前，我哋仲舉行左香港問答比賽考考一眾居日香港人對而家嘅香港有幾認識。比賽非常激烈，最後贏家仲係反敗為勝！
聖誕派對當然唔少得交換禮物！唔知大家對自己份禮物滿唔滿意呢。
係唱K環節，大家除左熱唱日文歌，仲有經典廣東歌，國語歌，甚至有越南歌，真係音樂無分國界。而且K房仲準備左大量食物，唔怕冇力唱K！
除咗唱K，大家又希望我哋將來可以搞咩活動呢？