又到咗報名時間啦！每個月第三個星期六嘅下午，都係日本香港人協會嘅會員限定活動。
2月份嘅主題係「農曆新年寫揮春」，雖然活動嘅日子係年初八，已經過咗年初一，但係我哋希望喺呢個冇農曆新年氣氛嘅日本，同大家一齊坐圍爐感受下農曆新年嘅氣氛。
我哋會提供紙、筆、墨（冇硯），等你可以盡情發揮你嘅書法才能。
同往常一樣，我哋嘅活動係一個極好嘅機會，俾你同其他會員交流。你可以盡情用粤語傾偈，分享你黎日本嘅故事，同時結交新朋友。
為咗確保我哋有足夠嘅材料同埋提供最好嘅活動體驗，記得要報名呀！你嘅報名會幫助我哋估計參加者嘅人數，提前做好準備。
唔好錯過呢個精彩嘅新年慶祝活動，立即登記啦！
活動詳情
日期：2024年2月17日（六）
時間：下午1:30 – 4:45（下午1:15開始入場，可自由出入）
地點：万世橋区民館7樓 洋室A（JR秋葉原站步行3分鐘）
〒101-0021 東京都千代田區外神田1-1-13
名額：20名
語言：廣東語為主，輔以日本語
費用：免費（會員限定）
注意事項
- 參加者可於活動期間任何時間加入或離開。
- 活動期間所拍攝的照片，日後有可能用於事後報告及宣傳之用，敬請原諒。如有問題，請告知在場工作人員。
- 如活動因天氣、自然災害、事故等而取消，本會將於活動當日早上10:00前於本會各社交媒體宣布，敬請留意。
報名方法
填寫以下報名表格。
※如未成為會員，可在此登記成為會員：https://jphker.org/membership/
截止報名日期：2024年2月15日23:59