2025年對日本來嚟市喺一個選舉年。
6月22日即將舉行「東京都議會議員選舉」，7月28日「參議院」於即將完成任期。
今年我哋將簡單介紹日本嘅選舉制度同投票規則！
日本嘅選舉種類一覽
日本嘅選舉大致可分為「國政選舉」同「地方選舉」兩大類：
| 類別 | 選舉名稱 | 簡介 | 任期 |
| 國政 | 衆議院選舉（下議院） | 選出內閣主體的議員。政府若解散國會，需重新選舉 | 4年（可能提前解散） |
| 國政 | 參議院選舉（上議院） | 與衆議院並列的國會機構，性質較穩定 | 6年（每3年改選一半） |
| 地方 | 都道府縣、市區町村議員選舉 | 地方議會議員（如都議會、市議會等） | 4年 |
| 地方 | 知事／市長選舉 | 地方行政首長（如東京都知事、市長等） | 4年 |
衆議院 vs 參議院：有咩唔同？
你可能經常喺新聞到會聽到「衆議院（しゅうぎいん）」同「參議院（さんじいん）」，但兩者有咩分別呢？
簡單嚟講，衆議院喺主戰場，選舉嘅結果會直接影響日本政府的執政政黨和首相人選，而參議院就好似「第二關卡」咁，負責補充審查和平衡政府權力。
| 衆議院（しゅうぎいん） | 參議院（さんぎいん） | |
| 中文叫法 | 下議院 | 上議院 |
| 任期 | 4年（可以解散） | 6年（每3年改選一半） |
| 功能 | 主導立法、通過預算、選首相 | 補充審議、制衡衆議院 |
| 議席數 | 465席 | 248席 |
| 特點 | 影響政權大，政黨鬥爭激烈 | 穩定性高、審議細緻 |
日本嘅投票方式：小選區制 & 比例代表制
喺日本，無論係衆議院定係參議院嘅選舉，大多都採用「小選區制 + 比例代表制」嘅混合投票制度。簡單嚟講，選民會收到兩張選票，一張係投人（小選區），一張係投政黨（比例代表）。
第一張票「小選區票」即係每個選區只會選出一位議員。投票者會直接喺選票上寫出候選人嘅姓名。得票最多嘅人就當選，唔需要過半數。第二張票係「比例代表票」，就唔係寫候選人名，而係寫政黨名稱。每個政黨會預先排好一張名單，選民嘅票數就會按比例分配俾各政黨，政黨再按名單排序派位。咁樣可以令中小型政黨都有機會入到國會，反映多元聲音。
衆議院方面，小選區議席有289席，比例代表就有176席。參議院就係地方選區制配比例代表，比例代表席有100席。雖然選舉方式少少唔同，但基本上都係一人投兩票，一票投人，一票投政黨。
呢種制度既有地區代表性，亦可以確保政黨之間嘅多樣性。對選民嚟講，等於可以從「我支持邊個人」同「我支持邊個政黨」兩方面表達自己嘅意見。
邊啲人有投票權？
有時候會有人誤會：「拎咗永住權係咪就可以投票？」，答案係――唔可以。因為日本嘅選舉權只屬於日本國民，即使你已經擁有永住權、喺日本生活多年、交稅多年，都唔會自動有投票權。除非你已經歸化做日本籍，年滿18歲，並喺日本居住滿3個月以上，先有資格参與投票。
順帶一提，喺日本只要你成功歸化攞到日本國籍，唔單止可以投票，仲可以參加任何層級嘅選舉，包括衆議院、參議院同地方議會。而且法律上無規定歸化幾耐先可以參選，相對開放。
雖然大多數在日港人無法參與日本選舉，但透過觀察同理解日本政治制度，可以更深入了解自己居住嘅社會。下次見到選舉海報、街宣車，不妨停低睇一睇，亦都可以同身邊嘅日本朋友傾下政治，呢啲都係文化交流嘅一部分！