颱風二號
前嗰排，日本受到颱風二號吹襲，市面變得一片杯盤狼籍。咁啱嗰日我又約咗朋友出街食飯，逼於無奈硬住頭皮，冒住大雨由屋企行咗十分鐘到車站，再去到市中心同朋友見面。喺路上一邊行一邊睇住雨水瘋狂咁打落把透明遮到，內心又納悶又興奮。
嚟咗日本幾年，個人覺得呢到嘅颱風唔算嚟得好密。雖然有時會有強風大驟雨，但係好多時候都會好快歸於平靜；有時甚至連颱風嚟到都未知，佢已經迅速減弱，消失得無影無踪。相比起郁啲就打風嘅香港嚟講，嗰種狂風暴雨、驚濤駭浪，喺東京就顯得相當奢侈。
當然，就算同樣係東京，唔同地區嘅颱風，威力都可以差好遠，可能因為我一直以嚟都住喺西東京（吉祥寺以西），所以日本颱風畀我嘅感覺先無咁強烈。而今次嘅機緣巧合，令我有機會感受一下東京嘅颱風之餘，又令我憶起往日喺香港嘅滂沱大雨。
記香港嘅颱風
記得細個嘅時候，總係好希望打風，外面一有「風吹草動」總係會全天候留意住電視機左上角，睇下有無黑色暴雨、十號風球嘅標誌。一旦打風，唔單止唔使返學，琴晚未做好嘅功課亦都終於有時間可以做返好，仲要唔使俾老師記欠交。僥倖嘅心態難得一次得逞，自然覺得突如其來嘅「風假」（因為颱風而全港休息一日嘅假期），簡直係上天為我而設嘅恩賜。
而呢種諗法，我諗亦都唔限於小朋友，長大成人出咗嚟社會變成打工仔，唔少人都仲可能會日日希望打風。未掛三號風球己經叫定朋友嚟屋企開枱，大殺四方。只可惜有時事與願違，阻於有李氐力場加持，風暴未能進一步升級，所有打工仔聽朝如常準時九點鐘返工。呢種事，時有發生。
李氐力場 資料來源：毛記電視
除咗有得放假，我之所以鍾意打風其實仲有另外一個原因，就係安心感。細個嘅時候住喺公屋，雖然一啲都唔福裕，但因為當時住嘅公屋都尚算新淨，石屎又夠實淨，所以就算有颱風入襲，都唔會有漏水或者間屋搖搖欲墜嘅情況。喺廿幾樓嘅室內，望住窗外嘅大雨，期待住閃電一眨而過；雖然出面雷聲此起彼落，但係呢種又要驚又要聽嘅快感至今仍然係我，喺打風嘅時候最樂此不疲嘅。但係，記得有一次當我好率真咁同阿媽講：「打風真係好呀！真係想日日打風呀！」結果就俾阿媽鬧到狗血淋頭。佢問我：「你知唔知道打風會帶嚟好大破壞，我哋好彩可以有石屎屋住，但係大把人仲住緊木屋（大多以鐵皮同木板等搭建而成嘅簡陋屋房），隨時無水無電㗎！」
細嗰嘅我當然覺得咁樣畀人鬧，絕對係一場無妄之災，甚或係我連木屋都唔知係咩嚟，你叫我要諗人哋無水無電，會唔會係有啲強人所難？但係而家大個咗諗返，又見到日本颱風二號所造成嘅傷亡，先覺得當日阿媽講嘅嘢不無道理。或者阿媽自己細個嘅時候都住過木屋，又經歷過超強颱風溫黛，先想我哋明白唔係樣樣嘢都理所當然。下次當你祈求颱風到臨之前，或者先諗下每每預先幫我哋減弱咗颱風威力嘅台灣同菲律賓，又諗下露宿街頭嘅露宿者。可能你祈求一日嘅假期，換嚟嘅會係遠方嘅人命傷亡，又或者係流浪漢嘅徹夜難眠。做人，有時最好都係心地好啲。
1962年超強颱風「溫黛」資料來源：香港01
颱風夜裡水花四濺
同朋友食完飯，返屋企之際雨勢稍為變大，難免搞到成身濕哂。雖然有帶遮出街，但係雨勢時大時弱，縱橫交錯；有時唔小心踩到水窞，水花四濺。
好唔容易先返返去車站，坐電車嘅時候咁岩耳機就響起咗呢隻歌：眼看滑鼠飄到大門後～♪～♪
雖然係十幾年前嘅一首歌，個MV有啲低成本嘅感覺，但係就歌曲同歌詞本身嚟講，放喺今日嘅標準都算係唔錯。隻歌入面有好多關於水嘅元素，又有好多水嘅音效，第一次聽嘅時候覺得好特別，所以次次打風都會特登播嚟聽下。
以前會覺得首歌只不過係將聖經入面挪亞方舟嘅故事引入去歌詞到，平平無奇，但係大個之後聽多幾次，拆解佢内裡嘅情緒，又有另一番感受。歌詞入面嘅一字一句都充滿玩味；而旋律亦都相當活潑，處處都係高低起伏，洋洋灑灑。乍看之下係一首歡樂嘅歌，認真聽落，先明白箇中嘅辛酸同苦澀。
無幾耐，電車到站車門打開，車外嘅雨水仍然喺到喴喴嘩嘩，一個人又冒住大雨返到屋企。再次望住窗外嘅大雨，內心唔知雨幾時停，又唔知挪亞幾時先可以落船呢？
- 難度：★★★☆☆
- 陀地程度：★☆☆☆☆
《水花四濺》
歌手：何韻詩
作詞：黃偉文
作曲：James Ting
編曲：英師傅 For Double C Music Group
眼看滑鼠飄到大門後
ngaan5 hon1 waat6 syu2 piu1 dou3 daai6 mun4 hau6
目に見えるマウスがドアの後ろに漂ってくる
眼看橡膠鴨滿屋漫遊
ngaan5 hon1 coeng2 gau1 aap3 mun5 uk6
目に見えるラバーダックが家中を漫遊する
龍頭還未關 昂然流下去 清洗我小宇宙
lung4 tau4 waan4 mei6 gwaan1 ong1 jin4 lau4 haa5 heoi3 cing1 sai2 ngo5 siu2 jyu5 zau1
蛇口はまだ閉じておらず、堂々と流れ落ち、私の小宇宙を清める
全場物件一個沒遺漏
cyun4 coeng4 mat6 gin6 jat1 go3 mut6 ji5 lau4
全ての物品が一つも欠けていない
浮沉在水中向街外游
fau4 cam4 zoi6 seoi2 zung1 hoeng3 gaai1 ngoi4
水の中に浮かんで、街の外へと漂う
球鞋和大褸 齊齊流浪去 拒絕求我拯救
kau4 haai4 wo1 daai6 leoi6 cai4 cai4 lau4 long6 heoi3 keoi5
スニーカーとコートが一緒に流浪し、私を救うことを拒否する
★
讓水花 燦爛過 放煙花
joeng6 seoi2 faa1 caan3 laat6 gwo3 fong3 jim1 faa1
水しぶきを華やかにし、花火を打ち上げる
浴缸中 繼續玩耍
juk6 gong1 zung1 gai3 zuk6 wun6 saa2
浴槽の中で遊び続ける
讓水花 浸沒了 我的家
joeng6 seoi2 faa1 zam3 mut6 liu5 ngo5 dik1 gaa1
水しぶきが私の家を浸してしまった
由得他 再別歸家
jau4 dak1 ta1 zoi3 bit6 gwai1 gaa1
彼に許され、再び家に帰らせてください
★
洪洪大水掩蓋地球上
hung4 hung4 daai6 seoi2 jim6 goi3 dei6 kau4 soeng6
大洪水が地球を覆い隠す
如同上主清理的現場
jyu4 tung4 soeng6 zyu2 cing1 lei5 dik1 jin6 coeng4
まるで主が掃除した現場のように
狂潮埋沒的 從前曾是我 不該拜的偶像
fong1 ciu4 maai4 mut1 dik1 cung4 cin4 cang4 si6 ngo5 bat1 goi1 dik1 ngau5 zoeng6
かき消された狂潮の中、かつて私が拝んだ偶像
誰人值得一世未原諒
dei6 jan4 zik6 dak1 jat1 sai3 mei6 jyun4 loeng4
だれが一生許される価値があるのか
何來淚水多過七大洋
ho4 loi4 leoi6 seoi2 do1 gwo3 cat1 daai6 joeng4
涙は七つの大洋よりも多いのか
鯨魚還在飛 人魚還在唱 我在陪我 划艇
king4 jyu4 waan4 zoi6 fei1 jan4 jyu4 waan4 zoi6 coeng3 ngo5 zoi6 pui4 ngo5 waak6 ting2
クジラはまだ飛び、人魚はまだ歌い、私は自分自身と一緒にボートを漕ぐ
★復唱
撐過去 遠地會 綠油油
coeng4 gwo3 heoi3 jyun5 dei6 wui2 luk6 jau4 jau4
乗り越えて行くと 遠い場所は 緑一面だろう
寂寞的 不傷心 要有的 總會有
zik6 mok6 dik1 bat1 soeng1 sam1 jiu3 jau5 dik1 zung2 wui2 jau5
寂しい時も悲しまないで 欲しいものはいつか手に入る
撐過去 在大海中心 最怕是回首
coeng4 gwo3 heoi3 zoi6 daai6 hoi2 zung1 sam1 zeoi3 wui2 wui4
乗り越えて行くと 大海の中心で 一番怖いのは振り返ることだろう
個個也 渴望結伴同遊
go3 go3 jaa5 hot3 mong6 git3 bun6 tung4 jau4
誰もが望む 仲間と一緒に遊ぶこと
到處走 是否 必須要手牽某某
dou3 cyu3 zau2 si4 bat1 seoi1 jiu3 sau2 hin2 mau6 mau6
どこへでも行こう 本当に手をつながなければならないのか
挪亞說過 會讓我 單身 搭上方舟
no4 aa1 syut3 gwo3 wui2 joeng4 ngo5 daan1 san1 daap6 soeng5 zau1
ノアが言った 私は一人でも 方舟に乗らせてもらうと
★復唱
・歌曲及歌詞之版權，皆屬於該唱片發行公司所有，本網誌僅作為廣東話學習之用。
・本網誌是以廣東話教學為目的，並非純粹歌曲分享，如果喜歡，請務必購買原版。
・所有歌曲只限在本網誌學習，本網誌不提供載點，也請勿利用其他工具下載。
問題時間
- 喺呢首歌入面，有啲咩你係可以喺浴室見到嘅呢？
この歌の中で、浴室で見ることができるものには何がありますか？ - 喺呢首歌入面，有啲咩你係可以喺海入面見到嘅呢？
この歌の中で、海の中で見ることができるものは何がありますか？
答案將於下期公佈，敬請留意更新~
上期答案（【廣東歌系列】ー 一首歌送畀學緊廣東話嘅你）
1．喺呢首歌，佢總共因為讀錯音而講咗幾多次粗口呢？
この歌には、音の誤りによってスラングが何個ありますか？
8次：
做乜「七」唔講得? 「九」又唔講得?
香港「係」唔係唔中意“九七”?
想錫妳一啖 唔使驚 我「條脷冇毛」
唔會「丟」妳老母一個人喺屋企
可以「教教」妳「老妹」 學英文「say “Hi”」
2．喺呢首歌入面，你數唔數到5個以上得廣東話獨有嘅動詞呢？
この歌から、5つ以上の広東語特有の動詞を見つけられますか？
| 字詞 | 意思 | 例句 |
| 講 | 話す | 我講緊嘢。 |
| 食 | 食べる | 我而家要食飯。 |
| 返工 | 仕事する | 我返工喇。 |
| 睇 | 見る | 我想睇一套戲。 |
| 俾 | 与える、あげる | 我俾本書你。 |
| 錫 | キスする | 錫妳一啖。 |
| 攞/ 拎 | 持ってくる、取る | 你攞張紙俾我。 |
| 俾心機 | 頑張る | 佢好俾心機咁煮飯。 |
3．「脷都僵化」唔係一個常用或者正規嘅廣東話講法，話人口舌不清，廣東話可以點講呀？
「脷都僵化」というのは一般的な広東語の表現ではなく、発音が不明瞭を言いたい場合、広東語でどう言えばいいでしょうか？
口窒窒、漏口
條脷打晒纈
鬼食泥
講嘢講到一嚿嚿、1999